· 3 മിനിറ്റ് വായന

കുഞ്ഞുങ്ങൾക്ക് വാക്സിൻ നൽകുക

ParentingVaccinationശിശുപരിപാലനം

മുലപ്പാൽ പോലെ തന്നെ കുട്ടികളുടെ അവകാശമാണ് രോഗപ്രതിരോധ മാർഗ്ഗങ്ങളും. മുലപ്പാൽ നിഷേധിക്കുന്നത് പോലെ തന്നെയാണ് വാക്സിൻ നിഷേധിക്കപ്പെടുന്നതും. അന്ധവിശ്വാസങ്ങളുടെ പേരിൽ മുലപ്പാൽ നിഷേധിച്ചവർക്കെതിരെ കേസെടുക്കുന്ന സർക്കാർ വാക്സിൻ വിരുദ്ധർക്കെതിരെ കേസെടുക്കാത്തതെന്ത് ? ശിശുരോഗ വിദഗ്ദ്ധൻ ഡോ. Purushothaman Kuzhikkathukandiyil എഴുതുന്നു.

“എന്റെ കുഞ്ഞാണ് .അതിനു കുത്തിവെപ്പ് കൊടുക്കണോ വേണ്ടയോ എന്ന് ഞാൻ തീരുമാനിക്കും. നിർബന്ധം പറയാൻ നിങ്ങൾ ആര് ?” എത്രയോ തവണ കേട്ടിരിക്കുന്നു ഈ ചോദ്യം .

മേലാകെ നീലച്ച പാടുകൾ കണ്ടു രക്താർബുധം ആവും എന്ന് സംശയിച്ചു പരിശോധനകൾ തുടങ്ങി മൂന്നാം നാൾ അമ്മ മനസ്സ് തുറക്കുന്നു .

“സാറേ ഞാൻ പറഞ്ഞതാണെന്ന് പറയരുത്, എന്നെ കൊല്ലും ആ കാലൻ. ഇതങ്ങോര് തന്നെ ചെയ്തതാ. ഈ കുഞ്ഞു അയാളുടേതല്ല എന്നാണ് മൂപ്പര് വിശ്വസിക്കുന്നത്.”

“നന്നായി പഠിച്ചിരുന്ന പെൺകുട്ടി അഞ്ചാറ് മാസമായി പുറകോട്ടു പോവുന്നു.“ “ഇവൾക്കെപ്പോഴും മൗനമാണ് സാറേ“ …

ആ മൗനത്തിന്റെ രഹസ്യപ്പൂട്ടു തുറക്കാൻ ഒരു പാട് പണിപ്പെടേണ്ടി വന്നു. കുഞ്ഞുന്നാൾ തോളിലേറ്റി അമ്പിളി അമ്മാവനെ കാട്ടി തന്ന അച്ഛൻ. കളിപ്പാട്ടങ്ങൾക്കൊപ്പം കളികൾക്ക് കൂടിയിരുന്ന അച്ഛൻ. അമ്മയില്ലാത്തൊരു ദിവസം, മദ്യത്തിന് അടിപ്പെട്ടൊരു ദിവസം വേറിട്ടൊരു കളിയിൽ അവളെ കൂട്ടി. ഇതൊന്നും കെട്ടു കഥകൾ അല്ല. ഓരോ ദിവസവും ഈ കൊച്ചു കേരളത്തിന്റെ ഏതെങ്കിലും മൂലയിൽ നടന്നു കൊണ്ടിരിക്കുന്നു .

ഇവിടെ അച്ഛനെയോ അമ്മയെയോ കോടതി കയറ്റാനും ശിക്ഷിക്കാനും വകുപ്പുണ്ട്.

http://www.indiacode.nic.in/acts-in-pdf/2016/201602.pdf

ഇന്ന് വായിച്ചു മറ്റൊരു നല്ല വാർത്ത. പിറന്നു വീണ സ്വന്തം കുഞ്ഞിന് മുലപ്പാൽ കൊടുക്കാൻ ബാങ്ക് വിളി കഴിയാൻ കാത്തിരുന്ന രക്ഷിതാക്കൾ. ജീവൻ അപഹരിച്ചേക്കാവുന്ന അന്ധ വിശ്വാസം പ്രചരിപ്പിച്ച മറ്റൊരാൾ. നിയമപ്രകാരം അവർക്കെതിരെ നടപടികൾ എടുക്കാൻ പറ്റുന്നു ബാലാവകാശത്തിലെ എഴുപത്തി അഞ്ചു വകുപ്പ് പ്രകാരം.

“75. Whoever, having the actual charge of, or control over, a child, assaults, abandons, abuses, exposes or wilfully neglects the child or causes or procures the child to be assaulted, abandoned, abused, exposed or neglected in a manner likely to cause such child unnecessary mental or physical suffering, shall be punishable with imprisonment for a term which may extend to three years or with fine of one lakh rupees or with both: Provided that in case it is found that such abandonment of the child by the biological parents is due to circumstances beyond their control, it shall be presumed that such abandonment is not wilful and the penal provisions of this section shall not apply in such cases: Provided further that if such offence is committed by any person employed by or managing an organisation, which is entrusted with the care and protection of the child, he shall be punished with rigorous imprisonment which may extend up to five years, and fine which may extend up to five lakhs rupees: Provided also that on account of the aforesaid cruelty, if the child is physically incapacitated or develops a mental illness or is rendered mentally unfit to perform regular Accounts and audit of Authority. Prohibition on disclosure of identity of children. Punishment for cruelty to child. SEC. 1] THE GAZETTE OF INDIA EXTRAORDINARY 33 tasks or has risk to life or limb, such person shall be punishable with rigorous imprisonment, not less than three years but which may be extended up to ten years and shall also be liable to fine of five lakhs rupees”

ഇത് വായിച്ചപ്പോ തോന്നിയ സ്വാഭാവികമായ ഒരു സംശയം … രണ്ടായിരത്തി പതിനഞ്ചു സെപ്റ്റംബറിലും, പതിനാറു ജൂലൈ മാസങ്ങളിലും ഡിഫ്തീരിയ ബാധിച്ചു നമുക്ക് നഷ്ട്ടപ്പെട്ട കുരുന്നു ജീവനുകൾ. അവരുടെ നേരെ നടന്നതും നീതി നിഷേധം തന്നെ അല്ലെ ? അവനവനു നല്ലതെന്ന് എന്ന് തിരിച്ചറിയാത്ത പ്രായത്തിൽ, അല്ലെങ്കിൽ അതിനുള്ള മാനസിക പക്വത ഇല്ലാത്തവരുടെ കാര്യത്തിൽ അവർക്കു വേണ്ടത് കിട്ടുന്നു എന്ന് ഉറപ്പു വരുത്തേണ്ടുന്നതിന്റെ ഉത്തരവാദിത്വം ആർക്കാണ് ? രക്ഷിതാവിന്റെ മാത്രം കടമയാണോ അത് ? മാനവരാശിക്ക് മുഴുവൻ നല്ലത് എന്ന് ലോകം അംഗീകരിച്ചിട്ടുള്ള നന്മകൾ അറിവില്ലാത്ത കുഞ്ഞുങ്ങൾക്ക് നിഷേധിക്കപ്പെടുന്നു. രക്ഷിതാക്കളിൽ ചിലരെങ്കിലും സ്വന്തം കടമ മറക്കുമ്പോൾ, തെറ്റിദ്ധാരണകളാൽ വേണ്ടെന്ന് തീരുമാനിക്കുമ്പോൾ, ഇവിടത്തെ ഭരണ നേതൃത്വം കയ്യും കെട്ടി നോക്കി നിൽക്കുമോ ? ഇടപെടുമോ ? ഈ നിയമങ്ങൾ അവിടെയും പ്രസക്തം അല്ലേ ?

നല്ലതു ചെയ്യാനുള്ള നിയമങ്ങൾ തുള വീണ വല പോലെ … കള്ളന്മാർ ചാടി പോവുന്നു എന്നതിലല്ല വിഷമം. കുരുന്നുകളുടെ ജീവൻ അപഹരിച്ച കൊടും കൊലയാളികൾ, അവർക്കു ചൂട്ടു പിടിക്കുന്ന വടക്കൻമ്മാർ എല്ലാം നമ്മെ നോക്കി പല്ലിളിച്ചു കാട്ടുന്നു …

 

ലേഖകർ
Purushothaman is now working as Professor of pediatrics government medical college Thrissur, Kerala. He was born in Kannur, did MBBS in Kozhikkode Medical college and Post graduation in Kozhikkode and Thiruvanathapuram Medical Colleges. His areas of interest are teaching and treating kids.

മികച്ച വർഗ്ഗങ്ങൾ

എല്ലാ വർഗ്ഗങ്ങളും
ആരോഗ്യ അവബോധം

79 ലേഖനങ്ങൾ

പൊതുജനാരോഗ്യം

48 ലേഖനങ്ങൾ

കിംവദന്തികൾ

40 ലേഖനങ്ങൾ

Hoax

39 ലേഖനങ്ങൾ

ശിശുപരിപാലനം

34 ലേഖനങ്ങൾ

Infectious Diseases

33 ലേഖനങ്ങൾ

Medicine

32 ലേഖനങ്ങൾ

Pediatrics

31 ലേഖനങ്ങൾ

Preventive Medicine

25 ലേഖനങ്ങൾ