കോവിഡ് പ്രതിരോധം: മെഡിക്കൽ സ്റ്റോറുകളിൽ ശ്രദ്ധിക്കേണ്ട കാര്യങ്ങൾ

മെഡിക്കൽ സ്റ്റോറുകളിൽ കോവിഡ് കാലത്ത് ശ്രദ്ധിക്കേണ്ട കാര്യങ്ങൾ

ജീവനക്കാർ മാസ്ക്, ഗ്ലൗസ് എന്നിവ ധരിച്ചു മാത്രം ജോലി ചെയ്യുക.

മരുന്നുകൾ വാങ്ങുവാൻ വരുന്നവർക്ക് ഉപയോഗിക്കുവാൻ ഹാൻഡ് സാനിറ്റൈസർ സജ്ജീകരിക്കുക.

മരുന്ന് വാങ്ങുവാൻ വരുന്നവർക്ക് ഒന്നര മീറ്റർ ശാരീരിക അകലം പാലിക്കുന്ന രീതിയിൽ ക്യൂ സംവിധാനം ഏർപ്പെടുത്തി മാത്രം മരുന്നുകൾ ഡിസ്പെൻസ്‌ ചെയ്യുക. ക്യൂ നിൽക്കാൻ ആയി നിലത്ത് അടയാളം ഇടുന്നത് നന്നാവും. രണ്ടുമീറ്റർ അകലത്തിൽ അടയാളം ഇട്ടാൽ വളരെ നന്നായിരിക്കും.

സ്ഥാപനത്തിലെ ജീവനക്കാർ കൃത്യമായ ഇടവേളകളിൽ കൈകൾ ശുചിയാക്കുക.

ഉപയോഗിച്ച മാസ്കുകളും കൈയുറകളും വീണ്ടും ഉപയോഗിക്കുവാൻ പാടില്ല. ഇവ ശാസ്ത്രീയമായ രീതിയിൽ ബ്ലീച് ലായനികളിൽ മുക്കി അണുവിമുക്തമാക്കിയ ശേഷം നിർമ്മാജനം ചെയ്യുക.

പനി, ചുമ, തൊണ്ടവേദന, തുമ്മൽ, ജലദോഷം എന്നി രോഗലക്ഷണങ്ങൾ ഉള്ള ജീവനക്കാർക്ക് അവധി കൊടുക്കുക.

അവശ്യ മരുന്നുകളുടെ മതിയായ സ്റ്റോക്ക് ഉറപ്പാക്കുക.

മദ്യം ലഭ്യമല്ലാത്ത സാഹചര്യത്തിൽ കോഡീൻ അടങ്ങിയ കഫ് സിറപ്പുകളുടെയും , സൈക്കോട്രോപിക് സബ്സ്റ്റൻസുകൾ അടങ്ങിയ മരുന്നുകളുടെയും ദുരുപയോഗം തടയുവാൻ ചട്ടങ്ങൾ കണിശമായി പാലിക്കുക.

ഹൈഡ്രോക്സിക്ലോറോക്വിൻ വിതരണം ചെയ്യുമ്പോൾ Schedule H1 ചട്ടങ്ങൾ പാലിക്കണം

സംശയ നിവാരണത്തിനായി 1056 എന്ന ടോൾഫ്രീ നമ്പറിൽ ബന്ധപെടുക

ആരോഗ്യ വകുപ്പിന് വേണ്ടി ആർദ്രം മിഷനിലെ ആരോഗ്യ പ്രവർത്തകർ തയ്യാറാക്കിയ കുറിപ്പ്.