· 4 മിനിറ്റ് വായന

കോവിഡ് പോരാട്ടത്തിലിനി FELUDAയും

Current Affairsകോവിഡ്-19പകര്‍ച്ചവ്യാധികള്‍പൊതുജനാരോഗ്യം
🧿കോവിഡ് രോഗത്താൽ ഏറ്റവും അധികം ബാധിതമായ രാജ്യങ്ങളിൽ രണ്ടാം സ്ഥാനത്തേക്ക് ഇന്ത്യ എന്ന നന്നല്ലാത്ത അവസ്ഥയിലും പ്രത്യാശാ നിർഭരമായ ഒന്നാണ് ഇന്ത്യ സ്വന്തമായി FELUDA എന്ന രോഗനിർണയ കിറ്റ് വികസിപ്പിച്ചു എന്ന വാർത്ത.
🧿നാം പ്രതീക്ഷിക്കുന്ന രീതിയിൽ കാര്യങ്ങൾ മുന്നോട്ടു പോവുകയാണെങ്കിൽ ഇത് കോവിഡ് രോഗനിയന്ത്രണത്തിൽ നമ്മെ വലിയ രീതിയിൽ സഹായിക്കും.
🧿നിലവിലെ രോഗനിർണ്ണയ രീതികളിൽ ഉള്ള പരിമിതികൾ (ഇത് വഴിയേ പറയാം) കവച്ചു വെയ്ക്കാൻ ഈ ടെസ്റ്റ് കിറ്റ് നമ്മുക്ക് ഗുണകരമാവും.
❓എന്താണ് FELUDA ?
🧬CRISPR പേര് കഴിഞ്ഞ ദിവസം പലരും കേട്ടു കാണും. CRISPR ഉപയോഗിച്ചുള്ള ജീനോം എഡിറ്റിങ്ങുമായി ബന്ധപ്പെട്ട റിസേർച്ചിനാണ്‌ കഴിഞ്ഞ ദിവസം Emmanuelle Charpentier & Jennifer Doudna എന്നീ രണ്ടു വനിതകൾക്ക് കെമിസ്ട്രിയിലെ നൊബേൽ പുരസ്കാരം കിട്ടിയത്.
🧬Clustered Regularly Interspaced Short Palindromic Repeats എന്ന CRISPR സാങ്കേതിക വിദ്യ അടിസ്ഥാനപ്പെടുത്തി CSIR-Institute of Genomics & Institute of Genomics and Integrative Biology (IGIB) വികസിപ്പിച്ചെടുത്ത കോവിഡ് ടെസ്റ്റ് കിറ്റ് ആണ് FELUDA. TATA കോൺഗ്‌ളോമെറെയ്റ്റ് ആണിത് നിർമ്മിക്കുന്നത്.
🧬വേണ്ട പരിശോധനനടപടികൾകൾക്കും മറ്റും ശേഷം, ഈ ടെസ്റ്റ് കിറ്റ് വ്യാവസായികാടിസ്ഥാനത്തിൽ നിർമ്മിക്കാനുള്ള അനുമതി കഴിഞ്ഞ ആഴ്ചയിൽ ഡ്രഗ് കൺട്രോളർ ഓഫ് ഇന്ത്യ നൽകിയിരുന്നു.
🧬FELUDA, എന്നത് സൂചിപ്പിക്കുന്നത് FNCAS9 Editor-Limited Uniform Detection Assay, എന്നതാണ്.
“ഫെലുഡ” എന്ന സത്യജിത്ത് റായുടെ സൃഷ്ടിയായ കുറ്റാന്വേഷകനായ കഥാപാത്രത്തിന്റെ പേര് അനുസ്മരിക്കുന്നതിനാണ് ഈ പേരിട്ടത്.
❓എന്താണ് മേന്മകൾ?
*Cheaper, Faster, Simpler & More accurate.*
🔺കൂടിയ കൃത്യതയും, ഗുണനിലവാരവും ഉള്ള ടെസ്റ്റിങ് കിറ്റാണിത്.
🔺ഉടനടി റിസൾട്ട് – പേപ്പർ സ്ട്രിപ്പിൽ “കളർ വ്യതിയാനം രണ്ടു നീല വരകൾ” ആയി ഫലം തെളിഞ്ഞു വരും.
ആയതിനാൽ ലളിതം & അതിവേഗം റിസൾട്ട് കിട്ടുന്ന സാങ്കേതിക വിദ്യ.
🔺വിലക്കുറവ് – ഏകദേശം 500 രൂപയ്ക്ക് ഇത് ഉപയോഗിച്ച് രോഗനിർണ്ണയം നടത്താം എന്നാണ് സൂചനകൾ.
🔰നാമിതുവരെ നടത്തിയിരുന്നത് പോലെ സ്രവം ശേഖരിച്ചു നടത്തുന്ന പരിശോധനയാണിത്.
❓മുൻപത്തെ രോഗനിർണയ പരിശോധനകളുമായി താരതമ്യം ചെയ്‌താൽ?
❌നാം ഉപയോഗിച്ച് പോന്നിരുന്ന റാപ്പിഡ് ആന്റിജൻ ടെസ്റ്റ് കിറ്റുകളുടെ പ്രധാന പോരായ്മ നെഗറ്റിവ് റിസൾട്ടുകളിൽ ഉള്ള കൃത്യത ഇല്ലായ്മ ആയിരുന്നു.
ഉദാ: സൗത്ത് കൊറിയൻ നിർമ്മിത റാപിഡ് ആന്റിജൻ ടെസ്റ്റ് കിറ്റിന്റെ സെന്സിറ്റിവിറ്റി 86% to 54% മാത്രമായിരുന്നു. അതായത് പോസിറ്റിവ് ആയ ചിലരിലും നെഗറ്റിവ് റിസൾട്ട് കിട്ടാനുള്ള സാധ്യത 24 % മുതൽ 46% വരെ ഉണ്ടായിരുന്നു.
( റാപ്പിഡ് ആൻ്റിജൻ ടെസ്റ്റ് ഫോൾസ് നെഗറ്റീവ് റിസൾട്ടുകൾ തരാൻ സാധ്യതയുള്ളത് കൊണ്ട്, നെഗറ്റീവ് റിസൾട്ട് കിട്ടുന്നവരിൽ RTPCR ടെസ്റ്റ് ചെയ്താണ് നമ്മുടെ പ്രോട്ടോക്കോൾ പ്രകാരം രോഗനിർണ്ണയം നടത്തുന്നത്. )
✅എന്നാൽ FELUDA യുടെ കാര്യത്തിൽ ടെസ്റ്റിന്റെ സെന്സിറ്റിവിറ്റി 96 % & സ്പെസിഫിസിറ്റി 98% വും ആണെന്നാണ്. അതായത് പോസിറ്റിവ് ആയവരെ മിസ്സ് ചെയ്യാനുള്ള സാധ്യത തുലോം കുറവാണ്.
✅മാത്രമല്ല, മറ്റു കൊറോണ വൈറസുകളുടെ സാന്നിധ്യം കൊണ്ട് തെറ്റായ റിസൾട്ട് തരില്ല എന്നുമാണ് ശാസ്ത്രജ്ഞർ അവകാശപ്പെടുന്നത്.
❌നിലവിൽ നാം “ഗോൾഡ് സ്റ്റാൻഡേർഡ്” ടെസ്റ്റ് ആയി കണക്കാക്കുന്ന RTPCR നു കൃത്യതയുണ്ട് എന്നാൽ, ഇത് ചെയ്യാൻ പ്രായോഗിക ബുദ്ധിമുട്ടുകൾ, കൂടുതൽ വൈദഗ്ധ്യം, കൂടുതൽ പ്രയത്നം, റിസൾട്ട് കിട്ടാൻ നിലവിൽ വേണ്ടി വരുന്ന കാലതാമസം ( 3 അല്ലെങ്കിൽ അധികം ദിവസങ്ങൾ).
✅ഈ പരിമിതികളെ കവച്ചു വെക്കുന്നത് മൂലം FELUDA എന്ന ടെസ്റ്റ് സംവിധാനം കൂടുതൽ രോഗികളെ പെട്ടന്ന് കണ്ടെത്തുന്നതിനും നേരത്തെ ഐസൊലേഷനും, ചികിത്സയും സാധ്യമാക്കുകയും ചെയ്യുന്നതിലൂടെ മഹാമാരിക്കെതിരെയുള്ള പോരാട്ടത്തിൽ നമ്മെ ഗുണപരമായി സഹായിക്കും എന്ന് പ്രത്യാശിക്കുന്നു.
ലേഖകർ
Dr. Deepu Sadasivan. Obtained a medical degree from Kottayam Medical College. Currently working in Kerala State health services department. Articles related to Medical science have been published in periodicals and newspapers.
ചിത്രകാരൻ
Design Co-ordinator, Infoclinic.

മികച്ച വർഗ്ഗങ്ങൾ

എല്ലാ വർഗ്ഗങ്ങളും
പൊതുജനാരോഗ്യം

271 ലേഖനങ്ങൾ

Current Affairs

232 ലേഖനങ്ങൾ

കോവിഡ്-19

195 ലേഖനങ്ങൾ

ആരോഗ്യ അവബോധം

111 ലേഖനങ്ങൾ

സുരക്ഷ

64 ലേഖനങ്ങൾ

കിംവദന്തികൾ

53 ലേഖനങ്ങൾ

Infectious Diseases

48 ലേഖനങ്ങൾ

ശിശുപരിപാലനം

48 ലേഖനങ്ങൾ

Medicine

42 ലേഖനങ്ങൾ