· 5 മിനിറ്റ് വായന
ഒക്ടോബർ 1 – ലോക അർട്ടിക്കേരിയ ദിനം ( World Urticaria Day)
“മെച്ചപ്പെട്ട ജീവിതനിലവാരം (Better quality of life) ” എന്നതാണ് ഈ വർഷത്തെ അർട്ടിക്കേരിയ ദിന ചിന്താവിഷയം. ഇത്തരത്തിൽ ഒരു വിഷയം തിരഞ്ഞെടുത്തത്തിൽ നിന്ന് തന്നെ മനസിലാക്കാം എത്രത്തോളം ഈ അവസ്ഥ രോഗിയുടെ ജീവിതനിലവാരത്തെ പ്രതികൂലമായി ബാധിക്കുന്നുണ്ട് എന്ന്.
ശരീരത്തിൽ ചൊറിഞ്ഞു തടിക്കുന്ന ഒരിനം അലർജിയാണ് അർട്ടിക്കേരിയ. വളരെ സാധാരണമായി കണ്ടു വരുന്ന ഒരു രോഗാവസ്ഥയാണിത്.
ശരീരവുമായി സമ്പർക്കത്തിൽ വരുന്ന പദാർത്ഥങ്ങളോട് നമ്മുടെ പ്രതിരോധശക്തി അമിതമായി പ്രതികരിക്കുന്നതാണ് കാരണം. സൂര്യനും സൂര്യനു താഴെയുള്ളതെന്തും ഇത്തരം അലർജിയുണ്ടാക്കാം.
ഏതു പ്രായത്തിലും അർട്ടിക്കേരിയ ഉണ്ടാകാം.
ചർമ്മത്തിൽ ചൊറിച്ചിൽ,ചുണ്ടിലും കൺപോളകളിലും നീര് എന്നീ പ്രശ്നങ്ങൾ മുതൽ അപൂർവ്വമായെങ്കിലും ഗുരുതരവും മാരകവുമായ അനാഫൈലക്സിസ് എന്ന അവസ്ഥയും ഇത്തരം അലർജി മൂലം ഉണ്ടാകാം.
അലർജി ഉണ്ടാക്കുന്ന വസ്തുവിനെ അലർജൻ (allergen) എന്നു വിളിക്കുന്നു . ശരീരത്തിന്റെ പ്രതിരോധശക്തിയെ ഉത്തേജിപ്പിച്ചു ആന്റിബോഡി (antibody) ഉല്പാദിപ്പിക്കുവാൻ സഹായിക്കുന്ന അലർജനിൽ അടങ്ങിയിരിക്കുന്ന ഘടകം ആന്റിജൻ(antigen) എന്നറിയപ്പെടുന്നു.
പൂമ്പൊടി, പൊടി, പുക, ഭക്ഷണപദാർത്ഥങ്ങൾ, മരുന്നുകൾ എന്നിവ ഇതിൽ ചിലതു മാത്രം..
അലർജനുമായി സമ്പർക്കത്തിൽ വന്നു നിമിഷങ്ങൾക്കുള്ളിൽ പോലും സംഭവിക്കാവുന്ന ഈ റിയാക്ഷൻ ഇമ്മീഡിയേറ്റ് ഹൈപെർസെൻസിറ്റിവിറ്റി (immediate hypersensitivity) എന്നും അറിയപ്പെടുന്നു.


അന്തരീക്ഷത്തിലുള്ള ഇവ aeroallergens എന്നാണ് അറിയപ്പെടുന്നത്. പൊടി, പുക, പൂമ്പൊടി മുതലായവ ഈ ഗണത്തിൽ പെടുന്നു.

ഭക്ഷണപദാർത്ഥങ്ങളും (food allergens) മരുന്നുകളും. മുട്ട, പാൽ, ഇറച്ചി, ചില തരം മത്സ്യം, പയർവർഗങ്ങൾ, പ്രിസർവേറ്റീവുകൾ എന്നിവ


മറ്റു കാരണങ്ങൾ




ശരീരത്തിൽ ഉരസിയാൽ, ഉരസുന്ന രേഖയിൽ ചുവന്ന പാടുകൾ വരുന്ന ഡെർമോഗ്രാഫിസം (Dermographism), ഇറുകിയ വസ്ത്രങ്ങൾ, ബെൽറ്റ് തുടങ്ങിയ ഉപയോഗിക്കുമ്പോൾ, ഇറുകി കിടന്ന ഭാഗത്തുണ്ടാകുന്ന Pressure urticaria ഒക്കെ Physical അർട്ടിക്കേരിയയുടെ വകഭേദങ്ങളാണ്.
മാനസിക സമ്മർദ്ദം, ആർത്തവം, മർദം, ചൂട് മുതലായ സാഹചര്യങ്ങൾ അർട്ടിക്കേരിയ ഉള്ള ഒരാൾക്ക് രോഗം വരാനുള്ള സാധ്യത കൂട്ടിയേക്കാം.
ഒരു ആന്റിജൻ ആദ്യമായി ശരീരവുമായി സമ്പർക്കത്തിൽ ഏർപ്പെടുമ്പോൾ ഈ ആന്റിജന് എതിരെയുള്ള നിശ്ചിത (specific) ആന്റിബോഡി ഉല്പാദിപ്പിക്കപ്പെടുന്നു. വീണ്ടും ഇതേ ആന്റിജൻ ശരീരവുമായി സമ്പർക്കത്തിൽ വന്നാൽ മുൻപ് ഉല്പാദിപ്പിക്കപ്പെട്ട നിശ്ചിത ആന്റിബോഡി വലിയ തോതിൽ ഉണ്ടാകുകയും അവ ആന്റിജനുമായി കൂടി ചേരുകയും ചെയ്യുന്നു.
ഇമ്മ്യൂണോഗ്ലോബുലിൻ ഇ (IgE) എന്ന ആന്റിബോഡിയാണ് ഇവിടെ ഉൽപാദിപ്പിക്കപ്പെടുന്നത്. ഈ ആന്റിജൻ ആന്റിബോഡി സംയുക്തം ത്വക്കിലുള്ള mast cells എന്ന കോശങ്ങളെ ഉത്തേജിപ്പിച്ചു അവയിൽ അടങ്ങിയിരിക്കുന്ന ഹിസ്റ്റമിൻ ഉൾപ്പെടെയുള്ള ഘടകങ്ങളെ പുറത്തേയ്ക്ക് തള്ളുന്നു.
ഹിസ്റ്റമിൻ മൂലം രക്തക്കുഴലുകൾ വികസിക്കാനും ശ്വാസകോശത്തിലെ കുഴലുകൾ ചുരുങ്ങാനും കാരണമാകുന്നു. തന്മൂലം ത്വക്കിലും ശ്ലേഷ്മ സ്തരത്തിലും, ചിലപ്പോൾ ശ്വാസനാളത്തിലും നീർവീക്കം ഉണ്ടാകുന്നു.







മരുന്നുകൾ, പൊടി, പുക, തണുപ്പ്, വെയിൽ തുടങ്ങി എന്താണോ അലർജി ഉണ്ടാക്കുന്നത്, അതുമായി സമ്പർക്കം ഒഴിവാക്കുക.







